കൊച്ചി: ആസ്റ്റര്‍ മെഡ്‌സിറ്റി ചീഫ്‌ എക്‌സിക്യൂട്ടീവ്‌ ഓഫീസറും
ആസ്റ്റര്‍ ഡിഎം ഹെല്‍ത്ത്‌കെയര്‍ കേരള ക്ലസ്റ്റര്‍ ഹെഡുമായ ഡോ. ഹരീഷ്‌ പിള്ള
സ്‌പെയിനിലെ മാഡ്രിഡില്‍ നടന്ന ജോയിന്റ്‌ കമ്മീഷന്‍ ഇന്റര്‍നാഷണല്‍ അഡ്‌വൈസറി
പാനല്‍ ചര്‍ച്ചകളില്‍ പങ്കെടുത്തു. ഈ പാനല്‍ മീറ്റില്‍ കേരളത്തില്‍നിന്നും
പങ്കെടുത്തിട്ടുള്ള ഏക വ്യക്തിയാണ്‌ ഡോ. ഹരീഷ്‌ പിള്ള. യുഎസ്‌എ, ബ്രസീല്‍,
ബെല്‍ജിയം, സിംഗപ്പൂര്‍, പാക്കിസ്ഥാന്‍, സ്വീഡന്‍, യുഎഇ എന്നിവടങ്ങളില്‍നിന്നുള്ള
സാങ്കേതിക വിദഗ്‌ധരുടെ സംഘത്തോടൊപ്പമായിരുന്നു ചര്‍ച്ച. ഈ വിദഗ്‌ധ പാനല്‍ ആഗോള
ആരോഗ്യ സംരക്ഷണരംഗത്ത്‌ പുതിയ ആറാമത്‌ എഡിഷന്‍ ജോയിന്റ്‌ കമ്മീഷന്‍ ഇന്റര്‍നാഷണല്‍
മാനദണ്ഡങ്ങള്‍ക്ക്‌ പുതിയ രൂപം നല്‍കുകയുണ്ടായി. അവ 2017 പകുതിയോടെ ആഗോളതലത്തില്‍
പ്രാബല്യത്തില്‍ വരും.
യുഎസ്‌-ല്‍ ആരോഗ്യരംഗത്ത്‌ മാനദണ്ഡങ്ങളും അധികാരങ്ങളും
നിശ്ചയിക്കുന്ന ഏറ്റവും പഴക്കമുള്ളതും വിപുലവുമായ, ഒരു ലാഭരഹിത സംഘടനയാണ്‌ ജെസിഐ.
രോഗികള്‍ക്ക്‌ ഏറ്റവും മികച്ച സേവനങ്ങള്‍ക്കുള്ള മാനദണ്ഡങ്ങള്‍ ഉറപ്പുവരുത്താനും
അവയുടെ ഫലപ്രാപ്‌തിയും ലക്ഷ്യമിട്ടുള്ള, അന്താരാഷ്ട്രതലത്തില്‍ ആരോഗ്യരംഗത്ത്‌
അംഗീകാരം നല്‍കുന്നവരില്‍ പ്രമുഖരാണ്‌ ജെസിഐ.
ക്യാപ്‌ഷന്‍: സ്‌പെയിനിലെ
മാഡ്രിഡില്‍ നടന്ന ജോയിന്റ്‌ കമ്മീഷന്‍ ഇന്റര്‍നാഷണല്‍ അഡ്‌വൈസറി പാനല്‍
അംഗങ്ങളോടൊപ്പം കേരളത്തിന്റെ പ്രതിനിധിയും ആസ്റ്റര്‍ മെഡ്‌സിറ്റി ചീഫ്‌
എക്‌സിക്യൂട്ടീവ്‌ ഓഫീസറും ആസ്റ്റര്‍ ഡിഎം ഹെല്‍ത്ത്‌കെയര്‍ കേരള ക്ലസ്റ്റര്‍
ഹെഡുമായ ഡോ. ഹരീഷ്‌ പിള്ള
No comments:
Post a Comment