തിരുവനന്തപുരം:
മികവുറ്റ സുഗന്ധവ്യഞ്‌ജനങ്ങളുടെ തടസ്സമില്ലാത്ത ഉല്‍പാദനവും, വിതരണവും ആഗോള
വിപണിയില്‍ ഉറപ്പുവരുത്താന്‍ ലോകരാഷ്ട്രങ്ങള്‍ ഏകീകൃത മാനദണ്ഡങ്ങളും, നടപടി
ക്രമങ്ങളും ആവിഷ്‌കരിക്കേണ്ടതുണ്ടെന്ന്‌ യൂറോപ്യന്‍ സ്‌പൈസ്‌ അസോസിയേഷന്‍
ചെയര്‍മാന്‍ നില്‍സ്‌ മെയര്‍ െ്രെപസ്‌ പറഞ്ഞു. ഓള്‍ ഇന്‍ഡ്യാ സ്‌പൈസസ്‌
എക്‌സ്‌പോര്‍ട്ടേഴ്‌സ്‌ ഫോറം(അകടഋഎ)ന്റെ ആഭിമുഖ്യത്തില്‍ നടക്കുന്ന രണ്ടാമത്‌
അന്താരാഷ്ട്ര സ്‌പൈസസ്‌ സമ്മേളനത്തെ അഭിസംബോധന ചെയ്‌ത്‌ സംസാരിക്കുകയായിരുന്നു
അദ്ദേഹം.
കൃഷിഭൂമിതൊട്ട്‌ അന്താരാഷ്ട്ര വിപണിവരെ ഏകീകൃത ഗുണനിലവാര
മാനദണ്ഡങ്ങളനുസരിച്ച്‌ സുഗന്ധവ്യഞ്‌ജനങ്ങളുടെ കൃത്യമായ ഉല്‍പാദനവും, വിതരണവും
സാധ്യമാക്കാന്‍ ഇന്ന്‌ ശാസ്‌ത്ര വിവരസാങ്കേതിക വിദ്യകള്‍ക്ക്‌ സാധിക്കും.
ഉല്‍പന്നങ്ങളുടെ ശ്രോതസ്സിലേക്ക്‌ നയിക്കുന്ന 'ട്രേസബിലിറ്റി' ഡിജിറ്റല്‍
സാങ്കേതിക വിദ്യകളുടെ സംഭാവനയാണ്‌. ബാര്‍ കോഡിങ്ങ്‌, മെട്രിക്‌സ്‌ ബാര്‍ കോഡിങ്ങ്‌
എന്നിവയില്‍ മൊബൈല്‍ സാങ്കേതികവിദ്യ പ്രയോജനപ്പെടുത്തി ഉല്‍പാദനം, സംസ്‌കരണം,
സംഭരണം, വിതരണ ശൃംഖല എന്നീ വിവരങ്ങളെല്ലാം ഉല്‍പന്നത്തോടൊപ്പം ഉപഭോക്താവിന്‌
ലഭ്യമാക്കാന്‍ സാധിക്കും. ഉപഭോക്താവിന്റെ ഹൃദയം കീഴടക്കാന്‍ ശ്രോതസ്സിന്റെ
സല്‍പ്പേരിന്‌ സാധിക്കണം. സുതാര്യതയാണ്‌ വിപണി കീഴടക്കാനുള്ള ആയുധമെന്ന്‌ നില്‍സ്‌
മെയര്‍ പറഞ്ഞു.
ട്രേസെബിലിറ്റി ഉല്‍പാദന വിതരണ ശൃംഖലയുടെ വളര്‍ച്ചയെ
ത്വരിതപ്പെടുത്തുന്ന അനുകൂല ഘടകം കൂടിയാണിതെന്ന്‌ അമേരിക്കന്‍ സപൈസ്‌ ട്രേഡ്‌
അസോസിയേഷന്‍ എക്‌സി. ഡയറക്ടര്‍ ഷെറില്‍ ഡീന്‍ അഭിപ്രായപ്പെട്ടു അന്താരാഷ്ട്ര
മാനദണ്ഡങ്ങള്‍ അനുസരിച്ചുള്ള കൃഷിയും, വിളവെടുപ്പും, സംസ്‌കരണവും, സംഭരണവും,
വിതരണവും ഇത്‌ സാധ്യമാക്കും. ഭക്ഷ്യ സുരക്ഷ, ഗുണനിലവാര സര്‍ട്ടിഫിക്കേഷന്‍, പരിശോധന
എന്നിവ സുഗമമാക്കാനും ട്രേസെബിലിറ്റി സാങ്കേതിക സംവിധാനങ്ങള്‍ പ്രയോജനം
ചെയ്യുമെന്ന്‌ ഷെറില്‍ പറഞ്ഞു.
ചൈന എസന്‍ഷ്യല്‍ ഓയില്‍്‌ ആരോമ ആന്റ്‌
സ്‌പൈസസ്‌ ട്രേഡ്‌ അസോസിയേഷന്‍ സെക്രട്ടറി ജനറല്‍മിസ്‌. ലീയീ, ഗ്ലോബല്‍ ക്വാളിറ്റി
ആന്റ്‌ റെഗുലേറ്ററി മക്‌കോര്‍മിക്‌ ആന്റ്‌ കമ്പനി കോര്‍പറേറ്റ്‌വൈസ്‌ പ്രസിഡന്റ്‌
റോജര്‍ടി. ലോറന്‍സ്‌, ടോറു അസാമി പ്രസിഡന്റ്‌ നിപ്പോണ്‍ സ്‌പൈസ്‌ അസോസിയേഷന്‍
(ജപ്പാന്‍), ജോര്‍ജ്ജ്‌ ലിക്‌ഫെറ്റ്‌ (ജര്‍മ്മനി) എന്നിവര്‍ സ്‌പൈസ്‌ ഗുണനിലവാര
മാനദണ്ഡ ചര്‍ച്ചകള്‍ക്ക്‌ നേതൃത്വം നല്‍കി.
അശാസ്‌ത്രീയവും, അപ്രായോഗികവുമായ
മാനദണ്ഡങ്ങള്‍ ഒഴിവാക്കുകയും, അതേസമയം ഭക്ഷ്യസുരക്ഷ ഉറപ്പുവരുത്തുകയുംചെയ്യുന്ന
സുഗന്ധവ്യഞ്‌ജനങ്ങളുടെ സന്തുലിതമായ ലോകവിപണി സൃഷ്ടിക്കുന്നത്‌ സംബന്ധിച്ച
ചര്‍ച്ചകള്‍ ശ്രദ്ധേയമായി. കീടനാശിനികളുടെയും, രാസവസ്‌തുക്കളുടെയും
അവശിഷ്ടപരിധികളും, കോഡെക്‌സ്‌ മാനദണ്ഡങ്ങളും, അവയ്‌ക്ക്‌ ആവശ്യമായ പരിഷ്‌കരണങ്ങളും
സംബന്ധിച്ച ചര്‍ച്ചകള്‍ക്ക്‌ കാന്‍കോര്‍ ഇന്‍ഗ്രീഡിയന്റ്‌സ്‌ സിഇഒയും എഐഎസ്‌ഇഎഫ്‌
മുന്‍ ചെയര്‍മാനുമായ ജീമോന്‍ കോര നേതൃത്വം നല്‍കി. ഡോ: വേണുഗോപാല്‍ കെ.ജെ., ഡോ:
രമേശ്‌ ഭട്ട്‌, മിലന്‍ ഷാ, റോബിന്‍ ആന്‍ഡേഴ്‌സണ്‍, പോള്‍ ഹ്യൂബ്‌നര്‍ എന്നിവര്‍
വിഷയം അവതരിപ്പിച്ച്‌ സംസാരിച്ചു.
സിന്തൈറ്റ്‌ ഇന്‍ഡസ്‌ട്രീസ്‌ വൈസ്‌
ചെയര്‍മാന്‍ ശ്രീ. ജോര്‍ജ്ജ്‌ പോള്‍, എഐഎസ്‌ഇഎഫ്‌ ചെയര്‍മാന്‍ ശ്രീ. പ്രകാശ്‌
നമ്പൂതിരി എന്നിവര്‍ സുഗന്ധവ്യഞ്‌ജന വ്യവസായത്തിലെ സാങ്കേതിക വിദ്യയിലധിഷ്‌ഠിതമായ
നൂതന സംരംഭക ആശയങ്ങള്‍ സംബന്ധിച്ച ചര്‍ച്ചകള്‍ നയിച്ചു.
മാനദണ്ഡങ്ങള്‍
അനുസരിച്ച്‌ നല്ല വിളകളുടെ ഉല്‍പാദനത്തിനായി കാര്‍ഷിക രസതന്ത്ര മേഖലയും, കര്‍ഷകരും
തമ്മില്‍ നിരന്തര സമ്പര്‍ക്കം ഉറപ്പുവരുത്തുന്നതിന്‌ സ്വീകരിക്കേണ്ട നടപടികള്‍
കെ.എസ്‌. ത്യാഗരാജന്‍ (ബിഎഎസ്‌എഫ്‌ ഇന്ത്യ) വിശദീകരിച്ചു.
നാല്‍പ്പതോളം
രാജ്യങ്ങളില്‍നിന്നുള്ള വ്യവസായ പ്രമുഖരും, അന്താരാഷ്ട്ര സ്‌പൈസ്‌ അസോസിയേഷന്‍
പ്രതിനിധികളും നയരൂപീകരണ വിദഗ്‌ധരും, വന്‍കിട ഉപഭോക്താക്കളുമുള്‍പ്പടെ എഴുനൂറിലധികം
പ്രതിനിധികള്‍ സമ്മേളനത്തില്‍ പങ്കെടുക്കുന്നുണ്ട്‌.
No comments:
Post a Comment