ദൈനംദിന സ്‌കൂള്‍ ഭരണനിര്‍വഹണവും
രക്ഷാകര്‍ത്തൃ-അധ്യാപക
ആശയവിനിമയവും മെച്ചപ്പെടുത്താന്‍ സ്‌കൂള്‍വിസാര്‍ഡ്‌
കൊച്ചി: ക്ലാസ്‌ കട്ട്‌ ചെയ്‌ത്‌ കറങ്ങാന്‍ പോകുന്ന വിദ്യാര്‍ത്ഥികള്‍ക്ക്‌
ഇനി കഷ്ടകാലം. മാതാപിതാക്കളെയും അധ്യാപകരെയും കുട്ടികളെയും ബന്ധിപ്പിക്കാന്‍
തയ്യാറാക്കിയ സ്‌കൂള്‍ വിസാര്‍ഡ്‌ ആപ്പിലൂടെ കുട്ടികളുടെ ഹാജര്‍നില
മാതാപിതാക്കള്‍ക്ക്‌ അപ്പപ്പോള്‍ അറിയാനാകും. കൊച്ചി ആസ്ഥാനമായി പ്രവര്‍ത്തിക്കുന്ന
സോഫ്‌ട്‌ സൊല്യൂഷ്യന്‍സാണ്‌ സ്‌കൂള്‍വിസാര്‍ഡ്‌
വികസിപ്പിച്ചിരിക്കുന്നത്‌.
ഫീസ്‌ അടവ്‌, ഹാജര്‍ രേഖപ്പെടുത്തല്‍,
ചിത്രങ്ങള്‍, സര്‍ക്കുലറുകള്‍, സന്ദേശങ്ങള്‍ തുടങ്ങിയവ പങ്കുവെക്കല്‍ മുതലായ
സ്‌കൂള്‍ സംബന്ധ ദൈനംദിന പ്രവര്‍ത്തികളെ ഏകോപ്പിക്കാന്‍ ഈ ആപ്പിലൂടെ സാധിക്കും.
അവധി ആവശ്യപ്പെടുന്നതിനും സ്‌്‌കൂള്‍ ബസ്‌
ട്രാക്ക്‌ ചെയ്യുന്നതിനും ഇതില്‍
സംവിധാനമുണ്ട്‌്‌. ആപ്പിന്റെ ഡിജിറ്റല്‍ വാളില്‍ സ്‌കൂള്‍ കാലഘട്ടത്തിലെ
കുട്ടികളുടെ എല്ലാ നേട്ടങ്ങളും രേഖപ്പെടുത്തുന്നതിനാല്‍ രക്ഷിതാക്കള്‍ക്ക്‌ അവ
കാണാനും കഴിയും. കൂടാതെ ഇ-ഡയറി സംവിധാനം മാതാപിതാക്കള്‍ക്ക്‌ അധ്യാപകരുമായി
ആശയവിനിമയം നടത്താനും കുട്ടികളുടെ പഠനപുരോഗതി അറിയാനും സഹായിക്കും.
അധ്യാപകര്‍ക്ക്‌ മാതാപിതാക്കളുമായുള്ള ആശയവിനിമയം എളുപ്പമാക്കുന്നതാണ്‌
സ്‌കൂള്‍ വിസാര്‍ഡ്‌ ആപ്പിന്റെ മറ്റൊരു സവിശേഷത. പിടിഎ യോഗങ്ങളുടെ ക്രമീകരണം,
യോഗത്തിന്റെ മിനിറ്റ്‌സുകള്‍ രേഖപ്പെടുത്തല്‍ തുടങ്ങി നടക്കാനിരിക്കുന്ന
പ്രവര്‍ത്തികള്‍, പുതിയ വാര്‍ത്തകളും ബുള്ളറ്റിനുകളും പങ്കുവെക്കല്‍, സ്‌കൂള്‍
മാനേജ്‌മെന്റ്‌ പ്രവര്‍ത്തനങ്ങള്‍ കാര്യക്ഷമമാക്കുന്നതിന്‌ രക്ഷിതാക്കളില്‍ നിന്ന്‌
പ്രതികരണങ്ങള്‍ രേഖപ്പെടുത്തി സര്‍വ്വേകള്‍ നടത്തല്‍ മുതലായ പ്രവര്‍ത്തനങ്ങളും ഈ
ആപ്പിലൂടെ സാധ്യമാകും. ഓണ്‍ലൈന്‍ ആക്ടിവിറ്റി രജിസ്‌ട്രേഷന്‍ മാനേജ്‌മെന്റ്‌
സിസ്‌റ്റവും സ്‌കൂള്‍വിസാര്‍ഡ്‌ ആപ്പില്‍ ലഭ്യമാണ്‌.
സ്‌കൂള്‍
പ്രിന്‍സിപ്പല്‍മാര്‍ക്ക്‌ ഡിജിറ്റല്‍ വാളിലൂടെ സ്‌കൂളിലെ വിദ്യാര്‍ത്ഥികളുടെ
നേട്ടങ്ങളും വിവരങ്ങളും അറിയാനും വിദ്യാര്‍ത്ഥികളുടെയും അധ്യാപകരുടെയും ഹാജര്‍ നില
വിലയിരുത്താനും സ്റ്റാഫ്‌ മീറ്റിംഗും മറ്റ്‌ പരിപാടികളും ആസൂത്രണം ചെയ്‌ത്‌
നടപ്പാക്കാനും ആപ്പിലൂടെ സാധിക്കും.
ദൈനംദിന സ്‌കൂള്‍ ഭരണനിര്‍വഹണത്തില്‍
ക്രിയാത്മകമായ മാറ്റം കൊണ്ടുവരാനും അധ്യാപകരും രക്ഷിതാക്കളും തമ്മിലുള്ള ബന്ധം
കൂടുതല്‍ ദൃഢപ്പെടുത്താനും സ്‌കൂള്‍വിസാര്‍ഡ്‌ ആപ്പ്‌ സഹായകമാകുമെന്ന്‌ സോഫ്‌ട്‌
സൊല്യൂഷന്‍സ്‌ എംഡിയും സിഇഓയുമായ ദിലീപ്‌ രാമചന്ദ്രന്‍ അഭിപ്രായപ്പെട്ടു. ജോലി
ചെയ്യുന്ന മാതാപിതാക്കള്‍ക്ക്‌ കുട്ടികളുടെ സ്‌കൂള്‍ ഫീസ്‌ അടയ്‌ക്കാന്‍ ക്യൂവില്‍
നിന്ന്‌്‌ ബുദ്ധിമുട്ടേണ്ടി വരില്ലെന്നും അദ്ദേഹം പറഞ്ഞു.
`ഞങ്ങളുടെ സ്‌കൂള്‍
അഭിമുഖീകരിച്ച ആശയവിനിമയ പ്രശ്‌നങ്ങള്‍ പരിഹരിക്കാനും ഓരോ ലെവലിലും
മാതാപിതാക്കളെയും അധ്യാപകരെയും ഉള്‍പ്പെടുത്താനും സ്‌കൂള്‍വിസാര്‍ഡ്‌ ആപ്പിലൂടെ
സാധ്യമായി. മാത്രമല്ല ഹാജര്‍ രേഖപ്പെടുത്തല്‍, ഡയറി മുഖേനയുള്ള ആശയവിനിമയം,
പെയ്‌മെന്റ്‌ തുടങ്ങി വിവിധ സ്‌കൂള്‍ അനുബന്ധപ്രവര്‍ത്തനങ്ങള്‍ നടപ്പിലാക്കാന്‍
കഴിഞ്ഞത്‌ രക്ഷിതാക്കളും അധ്യാപകരും തമ്മിലുള്ള വിനിമയ സാധ്യതകള്‍
മെച്ചപ്പെടുത്താന്‍ സഹായകമായി,` കൊല്ലം ആലുംമൂട്‌ യുപിജി സ്‌കൂള്‍ മാനേജര്‍ മുകേഷ്‌
എം.ജി പറഞ്ഞു.
