കൊച്ചി: ടയര്‍ ഉല്‍പ്പാദകരായ അപ്പോളോ ടയേഴ്‌സും ആഗോള വീഡിയോ ഗെയിം പ്രസാദകരായ കൊനാമിയും മാഞ്ചസ്റ്റര്‍ യൂണൈറ്റഡുമായി ചേര്‍ന്ന് അവതരിപ്പിച്ച അപ്പോളോ ടയേഴ്‌സ് യൂണൈറ്റഡ് ലീഗ് എന്ന ഇ-സ്‌പോര്‍ട്ട്‌സ് ടൂര്‍ണമെന്റിന്റെ പ്രഥമ പതിപ്പില്‍ കേരളത്തില്‍ നിന്നുള്ള നൂറുല്‍ അബ്‌സര്‍ വിജയം പങ്കുവച്ചു.
ഈജിപ്റ്റില്‍ നിന്നുള്ള ദിയ മുഹമ്മദ് നാസര്‍, ബംഗ്ലാദേശിന്റെ മൊഹമ്മദ് ഷിഫാത് അല്‍ മറുഫ് എന്നിവരാണ് ആലുവയില്‍ നിന്നുള്ള നൂറുലിനൊപ്പം ജേതാക്കളായത്. മൊബൈലില്‍ ഓണ്‍ലൈനായി നടത്തിയ അപ്പോളോ ടയേഴ്‌സ് യൂണൈറ്റഡ് ലീഗില്‍ ലോകമൊട്ടാകെയായി 20 ലക്ഷം പേരാണ് പങ്കെടുത്തത്. ചാമ്പ്യന്‍ഷിപ്പില്‍ വിവിധ വിഭാഗങ്ങളിലായി വിജയികളായ ഇവര്‍ക്ക് കിരീടവും എല്ലാ ചെലവുകളും ഉള്‍പ്പടെ ഓള്‍ഡ് ട്രാഫോഡില്‍ മല്‍സരം കാണാനുള്ള ട്രിപ്പും സമ്മാനമായി ലഭിക്കും.
No comments:
Post a Comment