കൊച്ചി : ഇന്ത്യയിലെ മുന്‍നിര പ്രീമിയം വാല്യൂ ബ്രാന്‍ഡായ മിതാഷി. ഒട്ടേറെ പുതുമകളോടുകൂടിയ, റോയല്‍ സ്‌മാര്‍ട്ട്‌ എല്‍ഇഡി ടിവി വിപണിയില്‍ അവതരിപ്പിച്ചു. 50 ഇഞ്ച്‌ (127 സെമി) ടിവി ആണിത്‌.
രാജസ്ഥാന്‍ റോയല്‍സിന്റെ കാപ്‌റ്റന്‍ ഷെയ്‌ന്‍ വാട്‌സണ്‍, താരങ്ങളായ അജിന്‍ക്യ രഹാനേ, സ്റ്റീവ്‌ സ്‌മിത്ത്‌, സഞ്‌ജു സാംസണ്‍, മിതാഷി എന്റര്‍ടെയ്‌ന്‍മെന്റ്‌ ചെയര്‍മാനും മാനേജിംഗ്‌ ഡയറക്‌ടറും ആയ രാകേഷ്‌ ദുഗാര്‍ എന്നിവര്‍ ചേര്‍ന്നാണ്‌ പുതിയ റോയല്‍ 50 ഇഞ്ച്‌ സ്‌മാര്‍ട്‌ ലെഡ്‌ ടിവി അവതരിപ്പിച്ചത്‌. ഐപിഎല്ലിലെ മികച്ച ടീമുകളിലൊന്നായ രാജസ്ഥാന്‍ റോയല്‍സുമായി കഴിഞ്ഞ അഞ്ചുവര്‍ഷമായി മിതാഷിക്ക്‌ പങ്കാളിത്തം ഉണ്ട്‌.
ഏറ്റവും അഡ്വാന്‍സ്‌ഡ്‌ ടിവിയാണ്‌ റോയല്‍ സ്‌മാര്‍ട്‌ ടിവി. ഡിഎല്‍ഇഡി സാങ്കേതികവിദ്യയില്‍ സ്ലിം പാനലോടുകൂടിയ ഇതിലെ എച്ച്‌ഡി ചിത്രങ്ങള്‍ 1920 x 1080 പി റസലൂഷനിലാണ്‌ ലഭ്യമാവുക.
യുഎസ്‌ബി മൂവി പ്ലഗില്‍ 27 മൂവി ഫോര്‍മാറ്റുകളാണുള്ളത്‌. പിസി ഇന്‍പുട്ട്‌, 3 എച്ച്‌ഡിഎംഐ ഇന്‍പുട്ട്‌, വൈഫൈ കണക്‌ടിവിറ്റി ആന്‍ഡ്രോയ്‌ഡ്‌ 4.4 ഒഎസ്‌, 5,00,000 : 1 ഡൈനാമിക്‌ കോണ്‍ട്രാസ്റ്റ്‌ അനുപാതം, ഡ്യുവല്‍ കോര്‍ 512 എംബി റാം, ഇന്റര്‍നെറ്റ്‌ കണക്‌ടിവിറ്റി എന്നിവയാണ്‌ മറ്റ്‌ പ്രത്യേകതകള്‍. വില 51,990 രൂപ. മൂന്നു വര്‍ഷത്തെ വാറന്റിയും ഉണ്ട്‌.
