കൊച്ചി : മുന്‍നിര ഭക്ഷ്യോല്‍പ്പന്ന കമ്പനിയായ ബ്രിട്ടാനിയ, പുതിയ
രൂചിയോടുകൂടിയ മസ്‌ക റസ്‌ക്‌ വിപണിയിലെത്തിച്ചു.
മധുരം നിറഞ്ഞതും മൊരിഞ്ഞതുമായ മസ്‌ക റസ്‌കിന്റെ പ്രധാനഘടകങ്ങള്‍ വെണ്ണയും ഔഷധസസ്യങ്ങളുമാണ്‌. റസ്‌കിന്റെ പരമ്പരാഗത രൂപത്തിനും രുചിക്കും വേറിട്ടൊരു വഴിത്തിരിവാണ്‌ മസ്‌ക റസ്‌ക്‌. സംസ്ഥാനത്തെവിടെയും പുതിയ റസ്‌ക്‌ ലഭ്യമാണെന്ന്‌ ബ്രിട്ടാനിയ സ്‌ട്രാറ്റജി ആന്‍ഡ്‌ ബിസിനസ്‌ ഡവലപ്‌മെന്റ്‌ വൈസ്‌ പ്രസിഡന്റ്‌ മഞ്‌ജുനാഥ്‌ ഷേണായി പറഞ്ഞു. വില 200 ഗ്രാമിന്‌ 20 രൂപ. 58 ഗ്രാമിന്‌ 10 രൂപ.
6000 കോടി രൂപയിലേറെ വിറ്റുവരവുള്ള ബ്രിട്ടാനിയ ഇന്ത്യയിലെ ഏറ്റവും
പ്രിയപ്പെട്ട ഭക്ഷണ ബ്രാന്‍ഡാണ്‌. ഗുഡ്‌ഡേ, ടൈഗര്‍, ന്യൂട്രിചോയ്‌സ്‌, മാരിഗോള്‍ഡ്‌ എന്നിവ ഈ ശ്രേണിയില്‍ ഉള്‍പ്പെടുന്നു.
ബിസ്‌കറ്റ്‌, ബ്രഡ്‌, കേക്കുകള്‍, റസ്‌ക്‌ എന്നിവയും ചീസ്‌ തുടങ്ങിയ ഡയറി
ഉല്‍പന്നങ്ങളും ഡയറി വൈറ്റ്‌നറും ബ്രിട്ടാനിയ വിപണിയിലെത്തിക്കുന്നുണ്ട്‌. 35
ലക്ഷത്തിലേറെ ചില്ലറ വ്യാപാര സ്ഥാപനങ്ങളിലൂടെ 40 ശതമാനത്തിലേറെ ഇന്ത്യന്‍ ഭവനങ്ങളില്‍ ബ്രിട്ടാനിയയുടെ സാന്നിദ്ധ്യമുണ്ട്‌
No comments:
Post a Comment