കൊച്ചി:ആഫ്രിക്കന്‍ ഏഷ്യന്‍ റൂറല്‍ ഡവലപ്‌മെന്റ്‌ഓര്‍ഗനൈസേഷനിലെ (എഎആര്‍ഡിഒ) 13 അംഗരാജ്യങ്ങളിലെ ഗവേഷകരെ പരിശീലിപ്പിക്കുന്നതിനുള്ള രാജ്യാന്തര ശില്‍പശാല ഇന്ന്‌ (ബുധന്‍) മുതല്‍ കേന്ദ്ര സമുദ്രമത്സ്യ ഗവേഷണ സ്ഥാപനത്തില്‍ (സിഎംഎഫ്‌ആര്‍ഐ) ആരംഭിക്കും. കേന്ദ്ര ഗ്രാമ വികസന മന്ത്രാലയവും എഎആര്‍ഡിഒയും തമ്മിലുള്ള അന്താരാഷ്ട്ര സഹകരണത്തിന്റെ ഭാഗമായാണ്‌ശില്‍പശാല. രാവിലെ 10.30 ന്‌ നടക്കുന്ന ഉദ്‌ഘാടന ചടങ്ങില്‍ എഎആര്‍ഡിഒ സെക്രട്ടറി ജനറല്‍വാസി ഹസന്‍ അല്‍ ഷ്രൈന്‍ മുഖ്യാതിഥിയാകും. കുഫോസ്‌ വൈസ്‌ചാന്‍സലര്‍ ഡോ എ രാമചന്ദ്രന്‍ ഉദ്‌ഘാടനം ചെയ്യും. എഎആര്‍ഡിഒ ഗവേഷണ വിഭാഗം മേധാവിഡോഖുഷ്‌നൂദ്‌ അലി സംബന്ധിക്കും.
രണ്ടാഴ്‌ച നീണ്ടുനില്‍ക്കുന്ന ശില്‍പശാലയില്‍ തായ്‌വാന്‍, ഇറാഖ്‌, ജോര്‍ദാന്‍, ലെബനോന്‍, ഒമാന്‍, ഫലസ്‌തീന്‍, സുഡാന്‍, ടുണീഷ്യ, മലേഷ്യ, മലാവി, ലിബിയ, മൗറീഷ്യസ്‌, ബംഗ്ലാദേശ്‌ എന്നീ രാജ്യങ്ങളില്‍ നിന്നുള്ള പ്രതിനിധികളാണ്‌ സംബന്ധിക്കുന്നത്‌. ഇന്ത്യന്‍ മത്സ്യമേഖലയിലെ ഗവേഷണ-വികസന മേഖലകളെക്കുറിച്ചാണ്‌ പരിശീലനം. സമുദ്രമത്സ്യ പരിപാലനം, സമുദ്രപരിസ്ഥിതി, കാലാവസ്ഥാവ്യതിയാനം, ഉത്തരവാദിത്വ പൂര്‍ണ മത്സ്യബന്ധനം, സമുദ്രകൃഷിതുടങ്ങിയവിവിധ മേഖലകളുമായി ബന്ധപ്പെട്ട്‌ വിദഗ്‌ധര്‍ സംസാരിക്കും. കൂടാതെ, പ്രായോഗിക പരിശീലനം, ഹാര്‍ബറുകള്‍, മത്സ്യകൃഷിയിടങ്ങള്‍ എന്നിവിടങ്ങളില്‍ സന്ദര്‍ശനവുമുണ്ടാകും.
സമുദ്ര കൂടുകൃഷി, മത്സ്യസമ്പത്തിന്റെശാസത്രീയ നിര്‍ണയംതുടങ്ങി 70 വര്‍ഷത്തെ ഗവേഷണ പ്രവര്‍ത്തനങ്ങളുടെ ഭാഗമായിവികസിപ്പിച്ച സാങ്കേതികവിദ്യകള്‍ വിദേശരാജ്യങ്ങളില്‍ നിന്നെത്തിയ പ്രതിനിധികള്‍ക്ക്‌ പരിചയപ്പെടുത്തും.
കാര്‍ഷിക-ഗ്രാമ വികസന മേഖലകളില്‍ പുരോഗതികൈവരിക്കുന്നതിന്‌ ആഫ്രിക്കയിലെയും ഏഷ്യയിലെയും രാജ്യങ്ങള്‍ തമ്മിലുള്ള പരസ്‌പര സഹകരണംമെച്ചപ്പെടുത്തുന്നതിനായി പ്രവര്‍ത്തിക്കുന്ന ഇന്റര്‍ ഗവണ്‍മെന്റല്‍ സംഘടനയാണ്‌ ആഫ്രിക്കന്‍ ഏഷ്യന്‍ റൂറല്‍ ഡവലപ്‌മെന്റ്‌ഓര്‍ഗനൈസേഷനിലെ (എഎആര്‍ഡിഒ). നിലവലവില്‍ രണ്ട്‌ ഭൂഖണ്ഡങ്ങളില്‍ നിന്നായി 32 അംഗരാജ്യങ്ങളുണ്ട്‌. ഡല്‍ഹിയാണ്‌ സംഘടനയുടെ ആസ്ഥാനം. ഇന്ത്യയില്‍കേന്ദ്ര ഗ്രമാ വികസന മന്ത്രാലയമാണ്‌ എഎആര്‍ഡിഒ അംഗരാജ്യങ്ങള്‍ക്ക്‌ കാര്‍ഷിക ഗ്രാമവികസന മേഖലകളിലെ രാജ്യത്തെ പ്രധാന സ്ഥാപനങ്ങളില്‍സാങ്കേതിക പരിശീലനം നല്‍കുന്നത്‌.
No comments:
Post a Comment