കൊച്ചി : ടൈംസ്‌ പ്രോയുടെ കൊച്ചിയിലെ പ്രഥമ ലേണിംഗ്‌ സെന്റര്‍ പ്രവര്‍ത്തനം ആരംഭിച്ചു. ഇതോടെ ടൈംസ്‌ പ്രോയുടെ ലേണിങ്ങ്‌ സെന്ററുകളുടെ എണ്ണം അഖിലേന്ത്യാ തലത്തില്‍ 21 ആയി ഉയര്‍ന്നു.
ബാങ്കിംഗ്‌, സാമ്പത്തിക മേഖലയില്‍ താല്‍പര്യമുള്ള വിദ്യാര്‍ത്ഥികള്‍ക്കുവേണ്ടി ആറുമാസത്തെ പോസ്റ്റ്‌ ഗ്രാജ്വേറ്റ്‌ ഡിപ്ലോമ ഇന്‍ ബാങ്കിംഗ്‌ മാനേജ്‌മെന്റ്‌ (പിജിഡിബിഎം) കോഴ്‌സാണ്‌ ഇവിടെ നടത്തുന്നത്‌.
സ്‌മാര്‍ട്‌ ക്ലാസുകള്‍, ഗസ്റ്റ്‌ ലകച്ചേഴ്‌സ്‌, സ്റ്റിമുലേഷന്‍, ഗ്രൂപ്പ്‌ ചര്‍ച്ചകള്‍ എന്നിവയ്‌ക്കാണ്‌ കോഴ്‌സ്‌ ഊന്നല്‍ നല്‍കുന്നത്‌, സാമ്പത്തികം, ബാങ്കിംഗ്‌ എന്നിവയെപ്പറ്റിയുള്ള 4000 പുസ്‌തകങ്ങള്‍ ഉള്ള ഒരു ലൈബ്രറി ആണ്‌ മറ്റൊരു പ്രത്യേകത. ദ്വിവത്സര എംബിഎ കോഴ്‌സ്‌ ഇവിടെ നടത്തുന്നുണ്ട്‌. രണ്ടാം വര്‍ഷത്തിലേയ്‌ക്ക്‌ കടക്കുന്നതിനുമുമ്പുതന്നെ വിദ്യാര്‍ത്ഥികള്‍ക്ക്‌ പ്ലേയ്‌സ്‌മെന്റ്‌ അവസരങ്ങളും ഉണ്ട്‌.
കേരളത്തിന്‌ സമഗ്ര വികസിതമായ ബാങ്കിംഗ്‌ അടിസ്ഥാന സൗകര്യങ്ങള്‍ ഉണ്ടെങ്കിലും ബാങ്കിംഗില്‍ ഊന്നല്‍ നല്‍ക്കുന്ന വിദ്യാഭ്യാസ സ്ഥാപനങ്ങള്‍ കുറവാണെന്ന്‌ ടൈംസ്‌ പ്രോ സീനിയര്‍ വൈസ്‌ പ്രസിഡന്റ്‌ രാജേഷ്‌ കാച്ചറൂ പറഞ്ഞു.
ഈ കുറവ്‌ നികത്തുകയാണ്‌ ടൈംസ്‌ പ്രോയുടെ ലക്ഷ്യം. കേരളത്തിലെ വിദ്യാര്‍ത്ഥികള്‍ ബാംഗ്ലൂരിനെയും ചെന്നൈയേയും ആണ്‌ ഇക്കാര്യത്തില്‍ ആശ്രയിക്കുന്നതെന്ന്‌ അദ്ദേഹം ചൂണ്ടിക്കാട്ടുന്നു.
പ്രൊഫഷണല്‍ പരിസ്ഥിതിയിലൂടെ, ടൈംസ്‌ പ്രോ നല്‍കുന്നത്‌ മികവുറ്റ ബാങ്കിംഗ്‌, സാമ്പത്തിക കോഴ്‌സുകള്‍ ആണെന്ന്‌ കൊച്ചി സര്‍വകലാശാല വൈസ്‌ ചാന്‍സലര്‍ ഡോ. ജെ ലത അഭിപ്രായപ്പെട്ടു.
ബാങ്കിംഗ്‌ വ്യവസായത്തിന്റെ വികാസ പരിണാമങ്ങള്‍ക്കനുസൃതമായ കോഴ്‌സുകള്‍ ആണ്‌ ആവശ്യം. അവ വിദ്യാര്‍ത്ഥികള്‍ക്ക്‌ പ്രായോജനപ്രദവും ആകണം. ടൈംസ്‌ പ്രോ കോഴ്‌സുകള്‍ രൂപം കൊടുത്തിട്ടുള്ളത്‌ അവരെ ഉദ്യോഗത്തിന്‌ വാര്‍ത്തെടുക്കാന്‍ കൂടിയാണ്‌.
ടൈംസ്‌ പ്രോയില്‍ നിന്ന്‌ ഗ്രാജ്വേഷന്‍ നേടിയിട്ടുള്ള വിദ്യാര്‍ത്ഥികള്‍ പ്രതിവര്‍ഷം എട്ടു ലക്ഷം രൂപ വരെ ശമ്പളം വാങ്ങുന്നുണ്ട്‌. പ്ലേയ്‌സ്‌മെന്റ്‌ അവസരങ്ങള്‍ക്ക്‌, ടൈംസ്‌ പ്രോ, എച്ച്‌ഡിഎഫ്‌സി ബാങ്ക്‌, കോട്ടക്‌ മഹീന്ദ്ര ബാങ്ക്‌, യെസ്‌ ബാങ്ക്‌, ബജാജ്‌ കാപ്പിറ്റല്‍, ഇന്‍ഡസ്‌ ഇന്‍ഡ്‌ ബാങ്ക്‌, ഈഡല്‍വീസ്‌ എന്നിവയുമായി കരാര്‍ ഒപ്പിട്ടുണ്ട്‌.
No comments:
Post a Comment