കൊച്ചി : 2017 ജനുവരി മുതല്‍ ഡിസംബര്‍ വരെയുള്ള കാലയളവില്‍
മെഴ്‌സിഡീസ്‌-ബെന്‍സ്‌ ഇന്ത്യ 15,330 കാറുകള്‍ വിറ്റു. മുന്‍ വര്‍ഷത്തേക്കാള്‍ 15.9
ശതമാനം കൂടുതലാണിത്‌. മെഴ്‌സിഡീസ്‌-ബെന്‍സ്‌ ഇന്ത്യയെ സംബന്ധിച്ചേടത്തോളം റെക്കോഡ്‌
വില്‍പനയാണ്‌ കഴിഞ്ഞ വര്‍ഷമുണ്ടായിരിക്കുന്നത്‌.
രാജ്യത്തെ ആഢംബര കാര്‍
വില്‍പനയില്‍ തുടര്‍ച്ചയായി മൂന്നാം വര്‍ഷവും മെഴ്‌സിഡീസ്‌-ബെന്‍സ്‌
ഒന്നാമതെത്തിയതായി മാനേജിങ്‌ ഡയറക്‌റ്റര്‍ റോളാണ്ട്‌ ഫോഗര്‍ പറഞ്ഞു. 2017 കമ്പനിയെ
സംബന്ധിച്ചേടത്തോളം വിജയത്തിന്റെ വര്‍ഷമായിരുന്നു. നീളം കൂടിയ വീല്‍ബേയ്‌സോടുകൂടിയ
ഇ-ക്ലാസ്‌ വിപണിയിലിറക്കാനുള്ള തീരുമാനം വളരെ ശരിയായിരുന്നുവെന്ന്‌
തെളിയിക്കപ്പെട്ടു. ഇന്ത്യയില്‍ ഉല്‍പ്പാദിപ്പിക്കപ്പെട്ട ഈ കാറുകള്‍ക്ക്‌ വന്‍
ഡിമാന്റാണനുഭവപ്പെട്ടത്‌. ഇ-ക്ലാസ്സിന്‌ പുറമെ സി-ക്ലാസ്‌, എസ്‌യുവി വിഭാഗങ്ങളിലും
നല്ല വളര്‍ച്ചയുണ്ടായി. ആഢംബര സെഡാന്‍, എസ്‌യുവി, എഎംജി വിഭാഗങ്ങളില്‍ മുന്‍
വര്‍ഷത്തേക്കാള്‍ ഇരട്ടി വളര്‍ച്ചയാണുണ്ടായത്‌.
2018-ല്‍ കൂടുതല്‍ എഎംജി
മോഡലുകള്‍ വിപണിയിലെത്തിക്കുന്നതാണ്‌. അടുത്ത മാസം നടക്കുന്ന ഡല്‍ഹി ഓട്ടോ
എക്‌സ്‌പോ-2018-ല്‍ മെഴ്‌സിഡീസ്‌-മേബാച്ച്‌ എസ്‌ 650 അവതരിപ്പിക്കുന്നുമുണ്ട്‌.
No comments:
Post a Comment