കൊച്ചി്‌: ചൈനീസ്‌ മാസികയായ ഹുറുണ്‍ ഗ്ലോബല്‍
പുറത്തുവിട്ട ലോകത്തെ ശതകോടീശ്വരന്മാരുടെ പട്ടികയില്‍ പത്തു
മലയാളികള്‍. ലുലു
ഗ്രൂപ്പ്‌ ചെയര്‍മാന്‍ എം.എ. യൂസഫലിയാണ്‌ ഏറ്റവും ധനികനായ മലയാളി. ലോകത്തെ
ശതകോടീശ്വരന്‍മാരില്‍ അറുനൂറു കോടി ഡോളറിന്റെ സമ്പാദ്യവുമായി 228-ആം
സ്ഥാനത്താണ്‌ അദ്ദേഹം. ഇന്ത്യയിലെ ശതകോടീശ്വരന്‍മാരില്‍ എട്ടാമതാണ്‌ യൂസഫലി. 220
കോടി ഡോളറിന്റെ ആസ്‌തിയുള്ള ആര്‍.പി.ഗ്രൂപ്പ്‌ ചെയര്‍മാന്‍ രവി പിള്ളയാണ്‌
മലയാളികളില്‍ രണ്ടാമന്‍ എന്നും റിപ്പോര്‍ട്ടില്‍ പറയുന്നു.
സണ്ണി വര്‍ക്കി (150
കോടി ഡോളര്‍), ക്രിസ്‌ ഗോപാലകൃഷ്‌ണന്‍ (150 കോടി ഡോളര്‍), ടി.എസ്‌. കല്യാണരാമന്‍
(140
കോടി ഡോളര്‍), പി.എന്‍.സി. മേനോന്‍ (120 കോടി ഡോളര്‍), ജോയാലുക്കാസ്‌
(110 കോടി), എസ്‌.ഡി. ഷിബുലാല്‍
(100 കോടി), എം.ജി. ജോര്‍ജ്‌ മുത്തൂറ്റും
കുടുംബവും (100 കോടി), ആസാദ്‌ മൂപ്പന്‍ (100 കോടി) എന്നിവരാണ്‌ പട്ടികയില്‍ ഇടം
പിടിച്ച മറ്റ്‌ മലയാളികള്‍. ഏകദേശം 1800 കോടി ഡോളറാണ്‌ ഈ പത്തുപേരുടെ മൊത്തം
ആസ്‌തിയായി റിപ്പോര്‍ട്ടില്‍ പറയുന്നത്‌. റിലയന്‍സ്‌ ഗ്രൂപ്പ്‌ തലവന്‍ മുകേഷ്‌
അംബാനിയാണ്‌ ഹുറുണ്‍ ഗ്ലോബലിന്റെ
കണക്കനുസരിച്ച്‌ ഏറ്റവും ധനികനായ
ഇന്ത്യക്കാരന്‍.
മൈക്രോസോഫ്‌റ്റ്‌ തലവന്‍ ബില്‍ ഗേറ്റ്‌സ്‌ ഒന്നാമതുള്ള
പട്ടികയില്‍ ഇരുപത്തിനാലാം സ്ഥാനത്താണ്‌ അദ്ദേഹം. 260കോടി ഡോളറാണ്‌ മുകേഷ്‌
അംബാനിയുടെ ആകെ സമ്പാദ്യം. ലോകത്തെ നൂറു ശതകോടീശ്വരന്‍മാരില്‍ നാലുപേരാണ്‌
ഇന്ത്യക്കാര്‍. സണ്‍ ഫാര്‍മ ഉടമ ദിലീപ്‌ സാങ്ങ്വി (49-ാം സ്ഥാനം), പല്ലോന്‍ജി
മിസ്‌ത്രി (75) ശിവ്‌
നാടാര്‍ (91) എന്നിവരാണ്‌ ആദ്യ നൂറില്‍ ഇടം പിടിച്ച
ഇന്ത്യക്കാര്‍.
No comments:
Post a Comment