കൊച്ചി: ബാങ്കിങ്‌,
സാമ്പത്തിക മേഖലയിലെ മികവിനുള്ള സി.ഐ.ഐ. എക്‌സിം ബാങ്ക്‌ പുരസ്‌ക്കാരം തുടര്‍ച്ചയായ
രണ്ടാം തവണയും രാജ്യത്തെ ഏറ്റവും വലിയ സ്റ്റോക്ക്‌ എക്‌സ്‌ചേഞ്ചായ നാഷണല്‍
സ്റ്റോക്ക്‌ എക്‌സ്‌ചേഞ്ച്‌ കരസ്ഥമാക്കി.
ഇതാദ്യമായാണ്‌ ഒരു സ്ഥാപനം തുടര്‍ച്ചയായ
രണ്ടാം തവണ ഈ പുരസ്‌ക്കാരം സ്വന്തമാക്കുന്നത്‌. നാഷണല്‍ സ്റ്റോക്ക്‌
എക്‌സ്‌ചേഞ്ചിനു മാത്രമല്ല, രാജ്യത്തെ മൊത്തം ഓഹരി വിപണന മേഖലയ്‌ക്കും ലഭിക്കുന്ന
അംഗീകാരമാണ്‌ ഈ ബഹുമതിയെന്ന്‌ ബെംഗലൂരില്‍ വെച്ച്‌ പുരസ്‌ക്കാരം സ്വീകരിച്ചു
കൊണ്ട്‌ നാഷണല്‍ സ്റ്റോക്ക്‌ എക്‌സ്‌ചേഞ്ച്‌ മാനേജിങ്‌ ഡയറക്‌ടറും സി.ഇ.ഒ.യുമായ
ചിത്ര രാമകൃഷ്‌ണ പറഞ്ഞു.
No comments:
Post a Comment