കൊച്ചി : ഏഡല്‍വീസ്‌ ഗ്രൂപ്പിന്റെ ലൈഫ്‌ ഇന്‍ഷുറന്‍സ്‌ വിഭാഗമായ, ഏഡല്‍വീസ്‌ ടോക്കിയോ ലൈഫ്‌ ഇന്‍ഷുറന്‍സിന്റെ ഒമ്പത്‌ യൂലിപ്‌ ഫണ്ടുകള്‍ക്കും മോര്‍ണിംഗ്‌ സ്റ്റാറിന്റെ ഫൈവ്‌സ്റ്റാര്‍ റേറ്റിംഗ്‌. സ്ഥിരതയാര്‍ന്ന സാമ്പത്തിക
പ്രകടനത്തിനാണ്‌ സ്വതന്ത്ര ഏജന്‍സിയായ മോര്‍ണിംഗ്‌ സ്റ്റാറിന്റെ ഫൈവ്‌സ്റ്റാര്‍ റേറ്റിംഗ്‌ ഏഡല്‍വീസിന്‌ ലഭിച്ചത്‌.
സുസ്ഥിരമായ സാമ്പത്തിക ശേഷിക്കും സാമ്പത്തിക അച്ചടക്കത്തിനും ലഭിച്ച അംഗീകാരമാണ്‌ ഫൈവ്‌ സ്റ്റാര്‍ റേറ്റിംഗ്‌ എന്ന്‌ ഏഡല്‍വീസ്‌ ടോക്കിയോ ലൈഫ്‌ ഇന്‍ഷുറന്‍സ്‌ മാനേജിംഗ്‌ ഡയറക്‌ടറും സിഇഒയുമായ ദീപക്‌ മിട്ടല്‍ പറഞ്ഞു. പോളിസി ഉടമകള്‍ക്ക്‌ ഏറ്റവും മികച്ച മൂല്യം ലഭ്യമാക്കിയത്‌ മികവുറ്റ ഫണ്ട്‌ മാനേജര്‍മാരാണെന്ന്‌ അദ്ദേഹം അഭിപ്രായപ്പെട്ടു.
പത്ത്‌ മികച്ച പേഴ്‌സന്റൈന്‍ ഫണ്ടുകള്‍ക്കാണ്‌ അംഗീകാരം ലഭിക്കുക. ഇക്വിറ്റി, ഡെബ്‌റ്റ്‌ തുടങ്ങിയ പ്രത്യേക അസറ്റ്‌ വിഭാഗങ്ങളിലെ, റിസ്‌ക്‌- അഡ്‌ജസ്റ്റഡ്‌ റിട്ടേണ്‍സിന്റെ അടിസ്ഥാനത്തിലുള്ള പ്രകടനവും റേറ്റിംഗിന്‌ പ്രധാനമായും വിലയിരുത്തപ്പെടും. മൂന്ന്‌ വര്‍ഷം പൂര്‍ത്തിയാക്കിയ ഫണ്ടുകളാണ്‌ റേറ്റിംഗിനായി പരിഗണിക്കുക.
ടോക്കിയോ മറൈന്‍ ഹോള്‍ഡിംഗ്‌സ്‌ ഓഫ്‌ ജപ്പാന്റേയും ഏഡല്‍വീസ്‌ ഗ്രൂപ്പിന്റേയും സംയുക്ത സംരംഭമാണ്‌ ഏഡല്‍വീസ്‌ ടോക്കിയോ ലൈഫ്‌ ഇന്‍ഷുറന്‍സ്‌. കൂടുതല്‍ വിവരങ്ങള്‍ക്ക്‌ www.edelweisstokio.in
No comments:
Post a Comment