ലെനോവോയുടെ പുതിയ സ്‌മാര്‍ട്‌ഫോണ്‍

കൊച്ചി : കരുത്തും ഭംഗിയും സാങ്കേതികവിദ്യയും ഒത്തിണങ്ങിയ, പവര്‍ പാക്‌ഡ്‌ ലെനോവോ ഇസഡ്‌2 പ്ലസ്‌ സ്‌മാര്‍ട്‌ഫോണ്‍ വിപണിയിലെത്തി.

ഗ്രാഫിക്‌സ്‌, കണക്‌ടിവിറ്റി, ഫോട്ടോഗ്രാഫി, ബാറ്ററിശേഷി എന്നിവയെല്ലാം ഉറപ്പാക്കുന്ന പുതിയ സ്‌മാര്‍ട്‌ഫോണില്‍ ക്വാള്‍കോം - സ്‌നാപ്‌ഡ്രാഗണ്‍ 820 ആണുള്ളത്‌. 820 എസ്‌ഒസി (സിസ്റ്റം ഓണ്‍ ചിപ്‌) ഫോണിന്റെ മറ്റൊരു സവിശേഷതയാണ്‌.

അഡ്രിനോ 530 ജിപിയു ഏറ്റവും മികച്ച ഗ്രാഫിക്‌സാണ്‌ പ്രദാനം ചെയ്യുക. സ്റ്റോറേജിന്‌ ഡിഡിആര്‍4 റാമും സാന്‍ഡിസ്‌ക്‌ സ്‌മാര്‍ട്‌ എസ്‌എല്‍സിയും ആണുള്ളത്‌. ഇരട്ട മെമ്മറി കോണ്‍ഫിഗറേഷന്‍. 3 ജിബി റാം + 32 ജിബി സ്റ്റോറേജും, 4 ജിബി റാം + 64 ജിബി സ്റ്റോറേജും.

അലോയ്‌ റോള്‍കേജിലാണ്‌ ഉള്ളിലെ ഘടകങ്ങള്‍. ഫൈബര്‍ ഗ്ലാസ്‌ ഫ്രെയിം, 12.7 സെ.മി ഡിസ്‌പ്ലേ, യു ടച്ച്‌ ഹോം ബട്ടണ്‍ എന്നിവയാണ്‌ മറ്റുഘടകങ്ങള്‍. 4 ജിബി + 64 ജിബി ഇസഡ്‌ 2 ഫോണിന്റെ വില 19,990 രൂപ, 3 ജിബി + 32 ജിബിയുടെ വില 17,999 രൂപയും. ആമസോണില്‍ ലഭ്യം.