250 കോടി രൂപയുടെ കടപ്പത്രവുമായി മുത്തൂറ്റ് മിനി
കൊച്ചി: സ്വര്‍ണ്ണ പണയ സ്ഥാപനമായ മുത്തൂറ്റ് മിനി ഫിനാന്‍സിയേഴ്സിന്‍റെ ഓഹരികളാക്കി മാറ്റാനാവാത്ത കടപ്പത്രങ്ങളുടെ (എന്‍.സി.ഡി) വില്പനയിലൂടെ മൂലധന സമാഹരണത്തിനൊരുങ്ങുന്നു. 1000 രൂപ മുഖവിലയുള്ള സെക്യൂര്‍ഡ് , നോണ്‍ സെക്യൂര്‍ഡ് കഥാപാത്രങ്ങളുടെ പബ്ലിക് ഇഷ്യൂ ചൊവ്വാഴ്ച തുടങ്ങി . ഇഷ്യൂ ഏപ്രില്‍ 23ന് അവസാനിക്കും.
കമ്പനിയുടെ പതിനാലാമത് എന്‍.സി.ഡി ഇഷ്യൂവിലൂടെ 125 കോടി രൂപയാണ് സമാഹരിക്കുന്നത് . 125 കോടി അധികമായി സഹാമഹരിക്കാനുള്ള ഓപ്ഷനും സഹിതം 250 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. ഇതില്‍ 200 കോടി രൂപയുടേത് സുരക്ഷിത എന്‍.സി.ഡി ആണ്.
വിവിധ ഓപ്ഷനുകളായി പ്രതിവര്‍ഷം 9.00 മുതല്‍ 10.25 ശതമാനം വരെയുള്ള കൂപ്പണ്‍ നിരക്കുകളില്‍ വരുമാനം വാഗ്ദാനം ചെയ്യുന്നു . ഈ എന്‍.സി.ഡിക്ക് ഇന്ത്യാ റേറ്റിങ്സ് ആന്‍റ് റിസര്‍ച് ലിമിറ്റഡ് ഐ.എന്‍.ഡി ബി.ബി.ബി സ്റ്റേബിള്‍ റേറ്റിങാണ് (IND BBB Stable ) നല്‍കിയിരിക്കുന്നത് ഈ എന്‍സിഡി ബോംബെ സ്റ്റോക് എക്സ്ചേഞ്ചില്‍(ബി.എസ്.ഇ) ലിസ്റ്റ് ചെയ്യും.
2020 സെപ്റ്റംബര്‍ 30ലെ കണക്കു പ്രകാരം എം.എം.എഫ്.എല്ലിന് 3,69,019 സ്വര്‍ണ്ണ വായ്പ അക്കൗണ്ടുകളുണ്ടായിരുന്നു, പ്രധാനമായും ഗ്രാമീണ, അര്‍ദ്ധ നഗര പ്രദേശങ്ങളില്‍ നിന്നുള്ളവയാണ് ഇത്. മൊത്തം വായ്പകളുടെയും അഡ്വാന്‍സിന്‍റെയും 97.27% വരുന്ന 1825.55 കോടി രൂപയുടെ ബിസിനസ്സ് ഇതിലൂടെയാണ് നടന്നത്. 2020 സെപ്റ്റംബര്‍ 30ന് അവസാനിച്ച ആറുമാസക്കാലയളവില്‍ അറ്റ നിഷ്ക്രിയ ആസ്തികള്‍ 0.59 % ആയിരുന്നു. 1.34 % അറ്റ നിഷ്ക്രിയ ആസ്തികള്‍ റിപ്പോര്‍ട്ട് ചെയ്ത 2020 മാര്‍ച്ചിനെ അപേക്ഷിച്ച് ഇത് കുറവാണ്.
ഇഷ്യുവിലൂടെ സമാഹരിക്കുന്ന തുക, വായ്പാ ധനസഹായ വിതരണം, കമ്പനി കടം എടുത്തിട്ടുള്ള മുതലിന്‍റെയും പലിശയുടെയും തിരിച്ചടവ്/പ്രീപേയ്മെന്‍റ് എന്നിവയ്ക്കായും (കുറഞ്ഞത് 75%) ബാക്കി (25% വരെ) പൊതുകോര്‍പ്പറേറ്റ് ആവശ്യങ്ങള്‍ക്കുമായും വിനിയോഗിക്കും.
ഇഷ്യൂവിന്‍റെ ലീഡ് മാനേജര്‍ വിവ്രോ ഫിനാന്‍ഷ്യല്‍ സര്‍വീസസ് പ്രൈവറ്റ് ലിമിറ്റഡാണ്.വിസ്ട്ര ഐടിസിഎല്‍ (ഇന്ത്യ) ലിമിറ്റഡ് ഡിബഞ്ചര്‍ ട്രസ്റ്റിയും ലിങ്ക് ഇന്‍ടൈം ഇന്ത്യ പ്രൈവറ്റ് ലിമിറ്റഡും ഇഷ്യുവിന്‍റെ രജിസ്ട്രാറുമാണ്.
No comments:
Post a Comment