കൊച്ചി: ഇന്ത്യയിലെ പ്രമുഖ ഹ്രസ്വ വീഡിയോ ആപ്പായ മോജ് ബ്രാന്‍ഡ് ശക്തിപ്പെടുത്തുന്നതിനും ആത്യന്തിക വിനോദ ലക്ഷ്യസ്ഥാനമാക്കി മാറ്റുന്നതിനുമായി 'സ്‌വൈപ്പ് അപ്പ് വിത്ത് മോജ്' ഹാഷ്ടാഗില്‍ പുതിയ പ്രചാരണം അവതരിപ്പിച്ചു. പ്രചാരണത്തിനായി ടോളിവുഡ് താരം വിജയ് ദേവര്‍കോണ്ഡയെയും ബോളിവുഡ് നായിക അനന്യ പാണ്ഡെയെയും ബ്രാന്‍ഡ് അംബാസഡര്‍മാരായി തെരഞ്ഞെടുത്തിട്ടുണ്ട്. ആപ്പിന്റെ ബ്രാന്‍ഡ് വീഡിയോകളിലും മോജ് സൃഷ്ടാക്കളായും ഇവര്‍ എത്തും.
രാജ്യത്തെ മോജിന്റെ വൈവിധ്യമാര്‍ന്ന പ്രേക്ഷകരെ കണക്കിലെടുത്ത് പരസ്യങ്ങള്‍ ഏപ്രില്‍ മൂന്ന് മുതല്‍ തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളില്‍ കാണാം. വിജയ് ദേവരകൊണ്ഡ ദക്ഷിണേന്ത്യയിലെ ബ്രാന്‍ഡിന്റെ സാന്നിദ്ധ്യം ശക്തമാക്കുമ്പോള്‍ അനന്യ പാണ്ഡെ ഹിന്ദി സംസാരിക്കുന്ന വിപണികളില്‍ ബ്രാന്‍ഡിന് ഊര്‍ജ്ജം പകരും.
ഉപയോക്താക്കളുടെ രസകരവും ആകര്‍ഷകവുമായ ഉള്ളടക്കത്തിന്റെ ആവശ്യകതയെക്കുറിച്ചുള്ള ആഴത്തിലുള്ള ധാരണയിലാണ് ഹാഷ്ടാഗ് സ്‌വൈപ്പ് അപ്പ് വിത്ത് മോജ് പ്രചാരണം കേന്ദ്രീകരിച്ചിരിക്കുന്നത്, അത് അവരുടെ ശ്രദ്ധ ആകര്‍ഷിക്കുകയും അവരുടെ ദൈനംദിന ജീവിതത്തില്‍ വിനോദം ചേര്‍ക്കുകയും അവരുടെ വിരസത അകറ്റുകയും ചെയ്യുന്നു. എവിടെയായിരുന്നാലും കാണാവുന്ന ഹ്രസ്വ വീഡിയോ ഫോര്‍മാറ്റ് ഉള്ളടക്കങ്ങളില്‍ മുന്‍ഗണനാക്രമത്തില്‍ ഇടം നേടിയിരിക്കുന്നു, ഡിജിറ്റല്‍ ജനങ്ങള്‍ക്ക് അവരുടെ സ്മാര്‍ട്ട്‌ഫോണുകളില്‍ സ്‌വൈപ്പ് ചെയ്താല്‍ എളുപ്പത്തില്‍ ലഭ്യമാകുന്നു. മോജ് കൃത്യതയോടെ ഇത് അവസരമാക്കുന്നു, വെറുമൊരു സ്‌വൈപ്പിലൂടെ പുതിയ ഉള്ളടക്കങ്ങളിലേക്ക് പര്യവേഷണം ചെയ്ത് അനന്തമായ വിനോദത്തിന്റെ മറ്റൊരു ലോകത്തേക്ക് പ്രവേശിക്കുന്നതിന് ഉപയോക്താക്കളെ പ്രോല്‍സാഹിപ്പിക്കുന്നു.
ഇന്ത്യയില്‍ ഹ്രസ്വ വീഡിയോ രംഗത്ത് അസാധാരണമായ ഉയര്‍ച്ചയാണ് കാണുന്നതെന്നും ഏറ്റവും വലിയ ഹ്രസ്വ വീഡിയോ ഉള്ളടക്ക ശേഖരവുമായി മോജ് ഈ വിഭാഗത്തില്‍ മുന്നിലുണ്ടെന്നും സ്‌വൈപ്പ് അപ്പ് വിത്ത് മോജ് പ്രചാരണം മോജിനെ ഹാങ്ഔട്ട് ചെയ്യാന്‍ പറ്റിയ മികച്ച ഇടമാക്കുന്ന തരത്തിലാണ് രൂപകല്‍പ്പന ചെയ്തിരിക്കുന്നതെന്നും വിരല്‍ തുമ്പില്‍ വിനോദം പകരുന്ന ഹ്രസ്വ വീഡിയോകളുടെ പര്യായമായി മോജിനെ മാറ്റുകയാണെന്നും ഇന്റര്‍നെറ്റ് ജനസംഖ്യയുടെ സിംഹഭാഗം കയ്യടക്കാന്‍ ലക്ഷ്യമിടുന്ന തങ്ങളുടെ രസകരമായ ഈ പുതിയ പ്രചാരണം പ്രേക്ഷകരുമായി ആഴമേറിയതും പുതിയതുമായ ബന്ധങ്ങള്‍ സൃഷ്ടിക്കാന്‍ സഹായിക്കുമെന്ന് ഞങ്ങള്‍ക്ക് ഉറപ്പുണ്ടെന്നും മോജ് ചീഫ് കമേഴ്‌സ്യല്‍ ഓഫീസര്‍ അജിത് വര്‍ഗീസ് പറഞ്ഞു.
No comments:
Post a Comment