കൊച്ചി: കാനഡയിലേക്കു കുടിയേറിയവര്‍ക്കും കുടിയേറാന്‍ ആഗ്രഹിക്കുന്നവര്‍ക്കും സഹായകമായ ഐ.സി.ഐ.സി.ഐ. ബാങ്ക്‌ ഗ്ലോബല്‍ ബാങ്കിങ്‌ ഹലോ കാനഡയ്‌ക്ക്‌ രാജ്യത്തെ ഏറ്റവും വലിയ സ്വകാര്യ മേഖലാ ബാങ്കായ ഐ.സി.ഐ.സി.ഐ. ബാങ്ക്‌ തുടക്കം കുറിച്ചു. ഈ പദ്ധതി അനുസരിച്ച്‌ ഐ.സി.ഐ.സി.ഐ. ബാങ്ക്‌ കാനഡയില്‍ കനേഡിയന്‍ ഡോളറില്‍ അക്കൗണ്ട്‌ ആരംഭിക്കുന്നതോടൊപ്പം ഐ.സി.ഐ.സി.ഐ. ബാങ്ക്‌ ഇന്ത്യയില്‍ എന്‍.ആര്‍.ഐ. സേവിങ്‌സ്‌ അക്കൗണ്ടും ആരംഭിക്കാനാവും. ഇന്ത്യയിലെ ഏറ്റവും അടുത്തുള്ള ഐ.സി.ഐ.സി.ഐ. ബാങ്ക്‌ ശാഖ സന്ദര്‍ശിച്ച്‌ ലളിതമായ ഡോക്യുമെന്റേഷനിലൂടെ ഉപഭോക്താവിന്‌ ഈ രണ്ട്‌ അക്കൗണ്ടുകളും ആരംഭിക്കാനാവും. ഉപഭോക്താക്കളുടെ ആവശ്യങ്ങള്‍ കണ്ടറിഞ്ഞ്‌ അവരുടെ ജീവിതം ലളിതമാക്കാനാണു തങ്ങള്‍ ശ്രമിക്കുന്നതെന്ന്‌ ഇതേക്കുറിച്ചു പ്രതികരിക്കവെ ഐ.സി.ഐ.സി.ഐ. ബാങ്ക്‌ പ്രസിഡന്റ്‌ വിജയ്‌ ചന്ദോക്‌ പറഞ്ഞു. ഇന്ത്യയിലുള്ളപ്പോള്‍ ഐ.സി.ഐ.സി.ഐ. ബാങ്ക്‌ കാനഡ അക്കൗണ്ടിലെ ഫണ്ടുകള്‍ ട്രാന്‍സ്‌ഫര്‍ ചെയ്യാന്‍ പുതിയ സേവനം സഹായകമാകും. ഈ ഉപഭോക്താക്കള്‍ക്ക്‌ പ്രത്യേക നിരക്കുകളും ലഭിക്കും.
.jpg)
No comments:
Post a Comment